26-27-ноябрь күндөрү Жогорку Кеңештин мыйзам чыгаруу жыйынынын спикер Абдыганы Эркебаев баштаган делегациясы Ысык-Көл, Нарын областтары боюнча сапарга чыгат. Анын максаты палата жакында эле кабыл алган «Кыргызстандын тоолуу аймактары» деген мыйзамдын бет ачарын өткөрүп, аны ишке ашыруу жолдору тууралуу жергиликтүү калк менен пикир алышуу. Делегация ушул эле максат менен андан кийин 29-ноябрда Ош областынын Алай районуна барат.
