БИШКЕК. 10-декабрда президент Аскар Акаев Кытайдын металлургиялык соода-өнөр жай корпорациясынын президенти Бай Баохуа баштаган делегациясы менен жолугушту. Анда Кытай менен Кыргызстандын соода-экономикалык кызматташтыгын келечеги талкууланды жана президент Аскар Акаев Кытай менен Кыргызстандын саясий кызматташуусунда түзүлгөн жагымдуу абал эки өлкөнүн соода-экономикалык алакасына жакшы таасир берерин белгиледи. А. Акаев андан тышкары тоо-кен иштетүү, жылуулук-энергетика, айыл чарба продукциясын иштетүү жана жеңил өнө жай тармагына инвестицияларды жасоо зарыл деп белгиледи.
