СОФИЯ. Болгариянын полициясы 27 килограмм бангизат алып бараткан үч аткезчини камакка алды. Аткезчилер Софиядан Стамбулга бараткан поездде чек арада кармалды. Чек ара полициясынын өкүлү кармалгандар тууралуу маалымат берүүдөн баш тарткан. Бажы инспекциясы кармалган героиндин баасы кеминде 3 миллион долларга бара турганын, бирок анын чекене соодадагы баасы алда канча жогору экенин билдирет. Бангизат кофе банкаларына салынып, вагондун үстүңкү текчесине катылган экен.
