Палестин автономиясынын жетекчилиги мурда күтүлгөндөй, бүгүн 20-январга белгилеген президенттик жана парламенттик шайлоо токтотулганын жарыялады. Шайлоо эми качан болоору так белгисиз. Палестин бийлигинин билдирүүсүндө айтылгандай, шайлоо Израил армиясы кайрадан оккупациялап алган аймактардан чыгып кеткенде гана өтөт. Шайлоону токтотуу сунушу менен өткөн аптада палестин бийлигине автономиянын Шайлоо комиссиясы кайрылган. АКШ жана Израил шайлоону Палестинада жүргүзүлүүчү реформалардын маанилүү бөлүгү катары карайт.
