БИШКЕК. Февраль айынын баш ченинде Бишкекте КМШ мамлекеттеринин чек ара боюнча адис-эксперттеринин жыйыны болот. Анда КМШ мамлекеттеринин чек ара жөнүндөгү мыйзам, нормаларын эл аралык стандартка ылайыктап түзүү, бул боюнча мыйзамдардагы карама-каршылыктарды жоюу маселеси талкууланат. Жыйын Кыргызстандын Тышкы иштер министрлигинин жетекчилигинде, өлкөнүн жаңыдан түзүлгөн Чек ара кызматынын демилгеси менен өтмөкчү. Бул тууралуу шейшембиде Чек ара кызматынын басма сөз кызматынын жетекчиси Үсөн Полотов маалымдады.
