Жолугушуу Токтогул атындагы мамлекеттик филармонияда болуп өттү.Президент Аскар Акаев шаардык коомчулуктун өкүлдөрүнө 2-февралга белгиленген референдум жөнүндө маалымат берип, Конституциянын эксперттик топ иштеп чыккан жаңы редакциясын жогору баалады. Президенттин айтымында, жаңы редакция эл аралык нормаларга шайкеш келет жана ал кабыл алынса, Кыргызстанда президенттик-парламенттик бийлик системасы орнойт. Президент ошондой эле Конституциянын жаңы редакциясындагы өзгөртүүлөр кандай себептерден зарыл болуп жаткандыгы жөнүндө да жыйындын катышуучуларына маалымат берди.
