ОБСЕ АКШны сөз эркиндигине шек тийгизди деп сындады

Европадагы коопсуздук жана кызматташуу уюму - ОБСЕ Кошмо штаттарынын терроризмге каршы күрөштү өз жарандарынын жүрүм-турумун мыйзамдуу түрдө байкоого алуу үчүн пайдаланууда деп сындады.
ОБСЕнин маалымат эркиндиги боюнча өкүлү Фримут Дьюве гезит материалдары менен китепканаларга байкоо салуу боюнча кабыл алынган иш-чаралар жарандардын сөз эркиндигин түздөн-түз бузушу ыктымал деп, АКШнын Мамлекеттик секретары Колин Пауэллдин түшүндүрмө берүүсүн талап кылды.