Бул Вацлав Гавелдин президенттик акыркы сапары, ушул жекшембиде анын бийлик мөөнөтү бүтөт. Братиславада Гавел словак президенти Рудольф Шустер менен сүйлөшүүлөрдү өткөрдү. Шустер жолугушуу учурунда Гавелге Словакиянын жогорку сыйлыгын тапшырды. Кечээ Гавел Прагада коштошуу сыяпатын жасап, сый тамак берди. Ага Польшанын жана Австриянын президенттери Александр Квасниевски менен Томас Клестил катышты. Чехиянын парламенти болсо алиге чейин өлкөнүн жаңы президентин шайлай албай жатат.
