Брюсселде альянстын баш кеңсесинде болуп өткөн бүгүнкү жыйында аталган маселе козголгон да жок. Франция, Германия, Бельгия жана Люксембург Ирак проблемасын жайчылык жолдор менен чечүүнүн мүмкүнчүлүгү али толук түгөнө элек, андыктан кандайдыр бир аскерий иштерди пландаштыруунун да зарылдыгы жок деп эсептешет. Кошмо Штаттары НАТОго кайрылып, Иракка каршы согуш башталып калса, ага көмөк көрсөтүүнү өтүнгөн эле. Ушул эле күнү Бириккен Улуттар Уюмунун коопсуздук кеңешинде Ирактагы инспекциянын жыйынтыктарын талкуулоо улантылды, анда Багдаддын аскерий программасынын айрым өңүттөрү жана Багдадды куралсыздандыруу жолдору сөз болду.
