БИШКЕК. Референдумга мөөнөтүнөн мурда добуш берүү иштери Кыргызстандын Чек ара кызматынын бардык алыскы заставаларында жүрүп жатат. Добуш берген чек арачылардын саны 1-февралда эртең менен 612ге жетти. Мындай мөөнөтүнөн мурда добуш берүү мыйзамга ылайык референдум бүткөнгө чейин толук добуш берүүгө үлгүрүп калуу максатында жасалууда. Бул тууралуу Чек ара кызматынын маалыматына таянып, ишембиде «Кабар» агенттиги билдирди. Маалыматка караганда, жолу татаал жерлерде жайгашкан чек ара кызматчыларынын мөөнөтүнөн мурда добуш бериши Баткен, Ош, Ысыккөл, Нарын областтарында толук аяктады.
