Армян парламентинин мүчөсү Хаик Бабуханянга бүгүн Арташат шаарында кол салуу болуп, оор жарат алган депутат ооруканага жеткирилди. Белгисиз адамдар анын машинесин токтоткондо, депутат сыртка чыга калып, тапанчасынан асманга ок аткан, бирок белгисиз бирөө аны далыга бычак менен уруп кеткен. Депутаттын айдоочусу да катуу сабалгандыктан, ооруканага жаткырылды. Бабуханян - парламенттеги "Укук жана биримдик" аттуу фракциянын катчысы.
