Пакистан президенти Первез Мушарраф 6-февралда Маскөөгө болгон үч күндүк кызмат сапарын аяктап жатып, Индия менен Пакистан ортосундагы мамилелерди жөнгө салууда Орусия орчундуу мааниге ээ болушу мүмкүн деп билдирди. Индия менен Пакистан касташкан мамлекеттер, Орусия болсо, көп жылдардан бери Индия менен жакшы мамиледе жана Пакистан президентинин азыркы визитинен кийин, Мушаррафтын айтымында, Маскөө менен Исламабад ортосунда жаңы доор башталды.
