Америка Кошмо Штаттарынын коргоо министри Доналд Рамсфелд 5-февралда Конгрессте чыгып сүйлөп, Түндүк Корея боюнча өз тынчсыздануусун билдирди. Министрдин айтымында, жакында кайрадан иштетиле баштаган өзөктүк ишканаларында Түндүк Корея кыска убакытттын ичинде сегиз өзөктүк бомба өндүрүшү мүмкүн. Рамсфелддин пикиринде, эки өзөктүк бомба Пхеньяндын колунда азыркы учурда бар болуш керек. АКШ жетекчилигин өтө тынчсызданткан нерсе - Түндүк Кореяда өндүрүлгөн өзөктүк куралдын террордук уюмдарга сатылып кетүү мүмкүнчүлүгү.
