ПХЕНЬЯН. Бүгүн Түндүк Корея АКШны кол салууга камынып жатат деп кайрадан айыптады.Эгерде АКШ регионго аскерлерин топтоону токтотпосо, Корей жарым аралы өзөктүк алааматтын натыйжасында жер менен жексен болот деп эскертти Пхеньян. Бейшемби күнү Түндүк Корея АКШга озунуп сокку урушу ыктымал экенин эскерткен. Пхеньяндын агрессивдүү билдирүүлөрү АКШ Тынч Океан регионунда кошумча аскерлерди жайгаштыра турганын ачыктаган соң күч алды.
