8-февралда облустук санитардык-эпидемиологиялык станциядан алынган маалымат боюнча, сасык тумоо оорусу күч алгандыктан Чүй облусунда 38 мектепте окуу токтотулган. Январь айынан бери облустагы 9168 адамга медициналык жардам көргөзүлгөн. Алардын 4983 14 жашка чейинки балдар. Сасык тумоонун кесепетинен Карабалта шаарынан 3 жаштагы бала каза болгон. Медициналык адистердин айтымында, А жана Б вирусундагы жугуштуу сасык тумоо оорусунун күчөшүнүн себеби аба ырайынын кескин өзгөрүшү жана оорудан алдын ала сактанбагандыктан келип чыгууда.
