Эң ири мечит Имам-аль- Бухариде алты жарым миңдей момун мусулман намазга жыгылып, намаз мечиттин Наиб имам хатиби Султанбек Закирянын имамдыгында жүргүзүлдү. Ош облустуна караштуу райондордун ичинен Ноокаттагы кайып жарандар мечитинде мусулмандар көп чогулду. Айт намаз окулган мечиттердин баарысында Курман айт майрамынын жаралышы, тарых-таржымалы, соопчулук күчү тууралуу нуска намаз алдында 20-30 мүнөтчө айтылды. Учурда Ош облусу боюнча облусттун казысы Асатилла ажы Нурматов баштаган 1462 адам ажылык зияпат аткарып ажы сапарында жүрөт.
