Линктер

жума, 9-декабрь, 2016 Бишкек убактысы 11:50

Лондондун башкы аэропортун аскерлер кайтарууга алды


Британиянын баш калаасындагы "Хисроу" аба бекетинде террористтик чабуулдан коргоо үчүн 400дөн ашык аскер жайгаштырылды.
Лондон полициясы Британиянын булуң-бурчундагы мечиттерде белгиленип жаткан Курман айттын соңунда экстремисттер чабуул жасашы мүмкүн экендигин билдирди. Аскерлер Лондондогу башка объектилерди да кайтарууга алышты.
Британия АКШ баштаган анти-террордук согушту колдоп чыккандан соң, өлкө исламчыл террористтердин бутасына айланат деген кооптонуу күч алды. 2001-жылдын 11-сентябрында АКШда болгон террордук чабуулдардан кийин Британияда полиция 300 чакты шектүү адамды камакка алып, көбүн кайра бошотту. Полицияга аларды айып койбостон жети күн абакта кармоого укук берилген.

Азаттык Фейсбукта

XS
SM
MD
LG