БИШКЕК. 3-17-февралда Польша, Украина жана Грузия мамлекеттеринде жумуш сапар менен болгон Кыргызстандын Акыйкатчысы Турсунбай Бакир уулу шейшемби күнү Бишкекке кайтып келди. Бул тууралуу ушул эле күнү Кыргызстан Акыйкатчысынын кеңсесинен кабарлашты. Маалыматка караганда Турсунбай Бакир уулу Польшада, Украинада жана Грузияда болгон учурунда бул мамлекеттердеги Омбудсмандын ишмердүүлүгү менен таанышып, алардан тажрыйба алып кайтты. Ал эми Акыйкатчынын орун басарларын шайлоо Жогорку Кеңештин Мыйзам чыгаруу жыйынынын регламентине тиешелүү кошумчалар киргизилгенден кийин өткөрүлөт.
