Линктер

logo-print
ишемби, 03-декабрь, 2016 Бишкек убактысы 08:58

Кыргызстандан илбирстерди чыгарып кетүү аракети ишке ашкан жок


БИШКЕК. 24-февралда Бишкекте бир айлык гастролу менен болгон Казакстандын «Москва-Империал» циркинин кызматкерлери Кыргызстандан 2 илбирсти мыйзамсыз түрдө алып кетүүгө аракет кылышкан. Бул тууралуу маалымат ушул эле күнү Мамлекеттик токой кызматына жана биргелешкен кыргыз-немис «Илбирс» долбооруна түшкөн. Буга байланыштуу Улуттук коопсуздук кызматынын, Ички иштер министрлигинин жана «Илбирс» долбоорунун өкүлдөрү «Москва-Империал» циркинин жаныбарлары жүктөлгөн машиналарды текшерип чыгышты. «Москва-Империал» циркинин администратору Александр Спичев жана Кыргыз мамлекеттик циркинин директору Таштан Жолдошбеков бул фактыны көпкө чейин караманча танганына карабастан, цирктин машинасынан бекитилген 2 илбирс табылды. Бул факты боюнча Ички иштер министрлигинин кылмышкерлерди издөө башкармалыгы кылмыш ишин козгоду.
Мамлекеттик токой кызматынын маалыматы боюнча, учурда Кыргызстандын аймагында 250-300гө жакын гана илбирс бар. Ал да тукум курут болуп кетүү коркунучу алдында турат. Акыркы 10 жыл ичинде эле Кыргызстандан мыйзамсыз жолдор менен 800гө чукул илбирс четке чыгарылып кеткен.

Азаттык Фейсбукта

XS
SM
MD
LG