БИШКЕК. «Демократия жана жарандык коом үчүн» бейөкмөт уюмдар коалициясынын президенти Эдил Байсалов 3-февралдын кечинде аскердик ооруканадан чыгып кетти. Бул тууралуу шейшембиде Эдил Байсалов өзү маалымдады. Анын айтымында, эми ал ден-соолугу жөнүндө медициналык корутунду алыш үчүн жумуруяттык аскердик дарыгерлер комиссиясынын кароосуна чакыруу боюнча бармакчы. 2-февралдагы референдумдун жыйынтыгын сынга алган «Демократия жана жарандык коом үчүн» бейөкмөт уюмдар коалициясынын лидери Эдил Байсалов 28-февралда мажбурлоо жолу менен аскердик ооруканага жаткырылган. Коргоо министрлиги «Байсалов 2000-жылдан бери аскердик кызмат өтөөдөн качып жүрөт. Ошондуктан аны медициналык текшерүүдөн өткөрүш үчүн ооруканага жаткырылды» деп билдирсе, Эдил Байсалов бул окуяны өзүнүн саясий ишмердүүлүгүнө байланыштуу уюштурулган иш катары баалоодо.
