БИШКЕК. 12-мартта Бишкекте КМШ мамлекеттеринин чек ара кызмат жетекчилеринин жыйыны өткөрүлөт. Отурумда бул өлкөлөрдүн чек араны коргоо системасын модернизациялоо тууралуу өз ара кызматташуу боюнча биргелешкен программасы талкууга алынып, аны каржылоо маселеси каралат. Бул максатта Шериктештикке кирген өлкөлөрдүн эксперттик топторунун жыйыны 9-мартта Бишкекте башталат. Ал тууралуу Кыргызстандын Чек ара кызматынын маалымат катчысы Үсөн Полотов кабарлады.
