Жапония менен Түштүк Кореянын бийликтеринин билдиргенине караганда, бул ирэт кемелерге каршы багытталган ракета сыналып, ал Жапон деңизиндеги бутаны көздөй атылган. Бул – Түндүк Корея февраль айынын соңунан бери өткөргөн ракеталык экинчи сыноо. Токио баллистикалык ракета сыналбагандыктан Түндүк Кореянын азыркы аракеттери Жапониянын улуттук коопсуздугуна түздөн - түз коркунуч келтирбейт деп эсептейт.
