"Адилеттүүлүк жана Өнүгүү" партиясынын лидери Режеп Тайып Эрдоган Түркиянын 59-өкмөтүн жетектемекчи. Президент Ахмед Неджет Сезер ага өкмөттү түзүүнү тапшырар алдында анын партиялашы, премьер-министр Абдулла Гүл кызматынан чегинди. Режеп Эрдоган өзү парламент мүчөсү катары ант берди. Ал депутат болуп өткөн жекшембиде шайланган. Мурдагы премьер-министр Абдулла Гүл кайра эле жаңы өкмөттө маанилүү кызматтардын бирин ээлери күтүлүүдө.