2001-жылдын 11-сентябрында Америка Кошмо Штаттарына каршы жасалган террор чабуулу менен байланыштуу өтүп жаткан сот иши боюнча АКШнын Укук министрлиги сотко жашыруун маалыматтарды тапшырды. Теги марокколук Франция жараны Закария Мусауи сентябрдагы чабуулду уюштурууга катышкан деп күнөөлөнүүдө. Мындай сот менен байланыштуу материалдар ачык каралууга тийиш, бирок Укук министрлигинин айтымында, ал берип жаткан жашыруун маалыматтар ачык жарыяланбашы керек.
