18-мартта Өзбекстанга франциялык генерал Андре Вар келип, өлкө жетекчилиги менен коопсуздук маселелери боюнча сүйлөшүү жүргүздү. Генералдын айтымында, кошуна Ооганстандагы Талибан режими кулатылып, "Аль-Каида" террордук уюму кыйратылганына карабай, Франция Өзбекстанга аскерий жардам көрсөтүүнү уланта берет. Баш ордосу Ооганстанда жайгашкан "Өзбекстан ислам кыймылынын" жоокерлери 1999-2000-жж. Кыргызстан менен Өзбекстанга кол салган.
