19-мартта Америка Кошмо Штаттары Израилге 10 миллиард доллар өлчөмүндө жардам көрсөтө тургандыгы жөнүндө билдирди. Анын бир миллиард доллары грант катары, калган акча насыя түрүндө берилет. Бул жардам Иракка каршы башталган согуштан жапа чеге турган Израилдин экономикасын колдоо үчүн берилүүдө. Израил өкмөтү кечээ күнү өз жарандарына кайрылып, жанында дайым уулуу газга каршы пайдаланылчу маскаларды алып жүрүүнү сунуштаган. 1991-жылдагы согуш учурунда Ирак Израилге каршы 39 ракета аткан.
