Бүгүн «Акыл-эс, рух жана ыйман» коому Ирактагы согушка байланыштуу билдирүү таратты. Анда Иракка каршы согушту токтотуу, АКШ баш болгон күчтөрдүн Ирак аймагынан тез арада чыгарылышы жана бардык маселелерди Улуттар Уюмунун кѳмѳгү аркылуу чечүү талабы айтылган. «Акыл-эс, рух жана ыйман» коому АКШнын согушун айыптап, аны орой жаңылыштык катары баалайт. Согуш миңдеген катардагы адамдардын жабыр тартып, өлүмгө учурашына алып келет. Ошондуктан бул согуш тез арада токтотулушу керек, - делет коом тараткан билдирүүдө.
