ОШ. Бүгүн Ош облустук СПИДге каршы күрөшүү жана алдын алуу борбору тараткан маалымат боюнча СПИД илдетин жаратуучу ВИЧ инфекциясын жуктургандардын саны облуста 193 адамга жеткен. Быйыл бул илдетке кириптер болгон 15 киши каттоого алынган. Алардын ичинен экөөнүн дарты 24-март күнү аныкталды. 2003-жылы ВИЧ инфекциясына кабылгандар да бүт бойдон баңгилер. Алар ооруну баңги затын сайынган кезде жуктуруп алышкан. Жаңыдан каттоого алынган ноокастардын бирөө 21-февраль күнү каза тапкан.
