Линктер

жума, 9-декабрь, 2016 Бишкек убактысы 09:52

Кыргызстанда «Токой жана бак отургузуу күнү» белгиленди


БИШКЕК. Кыргызстанда мындан ары 29-март «Токой жана бак отургузуу күнү» деп белгиленет. Ага негиз берген токтомду өкмөт кабыл алгандыгын Токой кызматынын директору Туратбек Мүсүралиев бүгүн маалымат жыйынында кабарлады. Анын маалыматына караганда, мындай чечим айлана-чөйрөнү жашылдандыруу жана бак-дарак аянттарын көбөйтүү максаты менен кабыл алынды. Муну менен бирге жалпы өлкө боюнча жашылдандыруунун бир айлыгы башталып, аны өткөрүүчү республикалык штаб түзүлдү. Бул майрамга карата өкмөт 29-мартта Бишкектин жанындагы Чоңарык айылынын аймагында ишембилик өткөрүп, бир гектар жерге 6500 көчөт отургузат. Туратбек Мүсүралиевдин айтымында, мурдагы жылдардан айырмаланып быйыл жазында отургузулган көчөт күзүндө толук каттоодон өткөрүлөт.

Азаттык Фейсбукта

XS
SM
MD
LG