«Каракол чындыгы» аймактык коомдук-саясий эркин гезитинин алгачкы саны 1-апрелде жарык көрөт. Аталган гезитке Каракол шаарындагы жоопкерчилиги чектелген «Дархан» өндүрүштүк басмаканалык фирмасы ээлик кылат. «Каракол чындыгы» эркин гезитинин редактору Сыртбай Намазбековдун айтымында, жаңы басылманын ар бир райондо өз кабарчылары болот. Алар жарыкка чыкпай калган райондук гезиттердин ордун толуктоо максатында элет жериндеги жаңылыктар, айыл турмушунун көйгөйлөрү тууралуу маалыматтарды ар тараптан чагылдырып туруу милдетин алышты.
