НАРЫН. Бүгүн облустун өзгөчө кырдаалдар боюнча башкармалыгынан алынган маалымат боюнча, кар көчкү жүргөн 20-марттын эртеси күнү атайын облустук штаб түзүлүп, адегенде колу-буттарын үшүккө алдырган 3 айдоочу куткарылып, ооруканаларга жаткырылган. Кар көчкүнүн көлөмү 30 миң тоннага жакын болгондуктан, куткаруу иштери узакка созулган. Мындан тышкары кар туткунунан Соңкөл көлүнө уруксатсыз балык кармоого барышкан 20 браконьер куткарылып, үйлөрүнө жеткирилген. Куткаруу иштерине кубаттуу аскердик техника тартылган.
