Мамлекеттик департаменттин докладын комментариялап, Пекинде тышкы иштер министрлигинин өкүлү Кошмо Штаттары адам укуктарынын маселесин пайдаланып,башка өлкөлөрдүн ички иштерине кийлигишкенин токтотууга тийиш деп билдирди. Докладда Кытай, Түндүк Корея бир катар позициялар боюнча сынга алынган эле. Пхеньяндын өкүлү болсо Кошмо Штаттары өздөрү антитеррордук кампаниянын капшабы менен бир катар мусулман өлкөлөрүндө, өзгөчө Иракта жана Ооганстанда диний эркиндиктерди жана адам укуктарын одоно бузуп жатат деп айыптады.
