Өткөн түнү бул жерге - Рафахтагы качкындар лагерине Израилдин аскер бөлүктөрү кирген эле. Айрым маалыматтарга караганда, палестин тарабынан үч киши окко учту, сегизи жарадар болду. Израилдин да төрт жоокери жаракат алганы айтылууда. Тулкармда кечээ миңге жакын палестин тургуну кармалып, шаардан куулуп чыгарылган эле. Аларга бул жердеги антитеррордук операция бүтмөйүнчө шаарга кайтканга уруксат берилбейт. Операцияны Израиль армиясы Натаниядагы террордук акцияга жооп катары өткөрүп жатат.
