Орусиянын ички иштер министрлиги жардырууга туш болгон аскерий машинеде дагы алты адам жарадар болгонун билдирди. Окуя – Грозныйга Европа Биримдигинин делегациясы келип түшкөн маалда орун алган. Брюсселдик делегация сапарын кечээ милициянын беш кызматкери минага жарылып, набыт болгон жайга баруудан баштады. Ага удаа "Интерфакс" кабар агенттиги бүгүн Чеченстандын почта кызматынын башчысын машинеде бараткан жеринен куралчан адамдар атып өлтүрүшкөнүн маалымдады.
