БИШКЕК. Бүгүн Бишкектеги Кожомкул атындагы спорт сарайында Иран Ислам Республикасынын соода-өнөр жай көргөзмөсү ачылды. Анын ачылыш аземине премьер-министр Николай Танаев, Иран тараптан бул мамлекеттин Казвин провинциясынын губернатору Масуд Эмами катышты. Көргөзмөгө Казвин провинциясындагы кыркка чукул компаниянын продукциясы коюлган. Масуд Эмами өзүнүн иш сапарынын учурунда өкмөт башчы Н. Танаев жана башка расмий адамдар менен жолугушуп, өз ара кызматташуу маселесин талкууламакчы. Көргөзмө 20-апрелге чейин уланат.
