КМШ мамлекеттеринин өкмөт башчыларынын кезектеги жыйыны 25-апрелде Москвада болору болжолдонуп жатат. Кыргыз өкмөтүнөн алынган ишембидеги маалыматка караганда, бул отурумда 20га жакын маселе каралат. Алардын катарында эркин соода аймагын интеграциялоо, кылмыштуулукка каршы күрөш, кызматташтыктын укуктук базаларын жөнгө салуу өңдүү учурдун урунттуу маселелери бар. КМШ өкмөт башчыларынын Москва отурумун Кыргызстан өкмөтүнүн башчысы Николай Танаев башкарары маалымдалды.
