Грузия парламентинин спикери Нино Буржанадзенин айтымында, өлкө жетекчилиги аны кызматтан кетирүүгө аракеттенүүдө. Жакында өлкөдө президент Эдуард Шеварднадзе жетектеген "Жаңы Грузия" атуу бирикме пайда болуп, ал жаңы мыйзам долбоорлорун сунуштай баштады. Алардын бири боюнча, спикерди кызматтан четтетүү үчүн талаптуу эрежелер жеңилдетилет, ал эми президент - Борбордук шайлоо комиссияга кирген 11 мүчөнүн тогузун өзү дайындайт. Үч партиядан турган жаңы бирикмени президент апрел айынын башында түзгөн. Шеварднадзе 22-апрелде кызмат сапары менен Киевке келди.
