НАТО уюмунун Европадагы күчтөрүнүн башчысы генерал Жеймс Жонс 24-апрелде Бельгиядан атайын билдирүү жасап, Ирактагы абалды жөнгө салуу иштерине катышууга НАТО даяр экенин билдирди. Кээ бир кабарлар боюнча, Иракта тынчтык орнотуу милдетин Америка Кошмо Штаттары НАТОго жүктөөгө ниеттүү, бирок ал тууралуу азырынча эч расми чечим же сураныч жасала элек. Франциянын тышкы иштер министрлиги 24-апрелде НАТОнун Иракка келишине Париж каршы эмес экенин билдирди.
