Бишкек, 24-апрель. Эртең Кыргызстан Укук коргоо кыймылы, «Акыл, эс, рух, ыйман» коому баш болгон коомдук, диний уюмдардын өкүлдөрү Ирактагы согушка байланыштуу Америка Кошмо Штаттарынын Кыргызстандагы элчилигинин имаратынын алдына пикетке чыгууну көздөп жатышат. Укук коргоочу Турсунбек Акундун бүгүнкү билдиришинче, пикетчилер үч талап менен чыгууну болжошууда. Алар - согуштан кийин Иракты калыбына келтирүү жана экономикалык чектөөлөрдү алып салуу милдетин Бириккен Улуттар Уюмунун карамагына берүү, Сирия, Иран, Түндүк Корея өңдүү мамлекеттерге баскынчылык жасабоо, АКШ аскерий күчтөрүн Ирактан чыгарып кетүү талаптары.
