ОШ. Ыйык Сулайман тоосунун этегинде өткөрүлгөн «Ардактуу менин Ошума, аянбайм салым кошкула!» аттуу марафондо жалпы эсеби 4 млн 224 миң 600 сомдук каражат жыйналды. Бул сумманын 450 миңи накта акчалай түрүндө, 2 млн 650 миңи которуу жолу менен, 1 млн 124 миң 600 сому товар түрүндө берилди. Марафон Ош шаарынын республикалык маанидеги шаар статусун алгандыгына байланыштуу шаардын инфраструктурасын көтөрүү максатында уюштурулган.