Бушехир АЭСинин курулушу Москвада талкууланат

Америка Кошмо Штаттарынын Мамлекеттик катчысынын каруу жаракты контролдоо боюнча орун басары Жон Болтон бүгүн Москвада курал жаракты жайылтпоо боюнча сүйлөшүүлөрдү өткөрөт.
АКШнын Москвадагы элчилигинин өкүлүнүн билдиришинче, Россиянын тышкы иштер министринин орун басары Александр Лосюков жана атомдук энергетика министри Александр Румянцев менен болчу сүйлөшүүлөрдө Иранда Россиянын жардамы менен курулуп жаткан Бушехир атомдук электр станциясы жөнүндө кеп болот.
Россиянын Иран менен атомдук технология жаатында кызматташуусун АКШ башынан сындап келет.