Линктер

logo-print
жекшемби, 04-декабрь, 2016 Бишкек убактысы 08:13

Дүйнөлүк Банк Кыргызстанга кредит бермек болду


БИШКЕК. Дүйнөлүк Банк GSAK программасынын алкагында Кыргызстанга 27 миллион 800 миң доллар өлчөмүндө кредит бөлөт. Бул тууралуу маалымат тараткан «АКИ-пресс» агенттигинин кабарына караганда, анын 20 миллион доллары GSAK программасынын мамлекеттик башкарууну кайра түзүү долбоорлорун ишке ашырыш үчүн, 7 миллион 800 миң доллары - GTAC программасы боюнча техникалык жардам катары берилет. Бул кредиттик макулдашууга банк менен кыргыз өкмөтүнүн жетекчилери май айынын ортосунда кол коюшмакчы. Макулдашууга кол коюлгандан кийин кредиттин 5 миллиондук биринчи траншы быйыл, 5 миллиондук экинчи траншы эмдиги жылы, 10 миллион долларлык үчүнчү траншы 2005-жылы берилет. Ага Кыргызстандын мамлекеттик башкаруусунда структуралык реформа жүргүзүлүп, анын ачыктыгын камсыз кылчу мыйзамдар кабыл алынат. Андан тышкары, министрликтерде жана мекемелерде функционалдык иликтөө жүргүзүлүп, жергиликтүү администрациялардын ролун жогорулатуу аракеттери көрүлөт.

Азаттык Фейсбукта

XS
SM
MD
LG