Бул тууралуу Исламабаддан кабарчыларга Пакистан тышкы иштер министрлигин өкүлү Азиз Ахмед Хан билдирди. Эки өлкө өзөктүк куралга ээ экенин 1998-жылы жарыялашкан. Бирок эки өлкө тең эл аралык инспекторлордун текшерүүсүнө жол бербегендиктен, аларда канча өзөктүк бомба бар экени белгисиз. Бүгүн Пакистан тышкы иштер министрлиги Индия премьер-министри Атал Бихари Важпайиге жогорку деңгээлдеги сүйлөшүүлөргө, Исламабадга келүүсү үчүн жөнөткөн чакыруусуна оң жооп алганын да маалымдады.
