БИШКЕК. Экология жана өзгөчө кырдаалдар министрлигинин күзөт кызматынын билдиргенине караганда, бүгүн эртең менен Балыкчы-Бөкөмбаев-Каракол автожолунда бараткан, «Кумтөр оперейтинг компани» ишканасына таандык автоконтейнер кырсыкка учурады. Натыйжада автоунаа жүктөп бараткан 8 тонна селитра жолго төгүлдү, бирок адам өмүрүнө жана жаратылышка коркунуч келтиргидей жагдай түзүлгөн жок. Министрликтин күзөт бөлүмүнүн кабарына караганда, жол кечке жуук селитрадан тазаланып бүттү.