Президент Эдуард Шеварднадзе өкмөттүк комиссияга НАТО жана Евросоюз менен алакаларды активдештиргенге көрсөтмө бергендигин билдирди. Мындай кадамдарды кубаттап, Робертсон Грузия альянстын “Тынчтык үчүн өнөктөштүк” программасына жигердүү катышып жаткандыгын жана Балкандагы бейпилдик контингентине байкаларлык салым кошкондугун белгиледи. Робертсон бүгүн кечинде Тбилисиден Ереванга учуп кетти. Андан соң Азербайжанда болот.
