Бул палестин шаарын жөөт аскерлери беш күн ээлеген соң, өткөн дем алыш күндөрү бошоткон эле. Бейт Ханунга бүгүн Палестинанын премьер-министри Махмуд Аббас бармак, Израилдин аскерий рейдинен улам, ал сапарын кийинкиге калтырууга аргасыз болду. АКШнын президенти Жорж Буш кечээ телефон аркылуу Махмуд Аббас менен Израилдин премьери Ариэль Шаронду Жакынкы Чыгышта тынчтык орнотуу боюнча "жол картасы" аттуу эл аралык планды колдоого чакырган. Палестин тарап билдиргендей, Аббас анда 2005-жылы көз карандысыз Палестина мамлекетин жарыялоону караган бул планды Израиль кабыл алышы керек деп айткан.
Палестинанын өкмөт башчысы Бейт Ханун шаарына бараарда, калаага кайрадан Израиль армиясы киргизилди
