Гоңкоңдук окумуштуулар - өпкөнүн жаңы оорусу адамга Түштүк-Чыгыш Азияда жашаган мышыктын бир түрүнөн жуккан деген божомол айтууда. Кээ бир кытайлар анын этин жейт. Акыркы эки-үч айда дүйнө жүзү боюнча бул жаңы ооруга сегиз миңге жакын адам чалдыгып, алардын алты жүз сексени каза тапты. Дүйнөлүк саламаттык сактоо уюмунун айтымында, Гоңкоң менен Кытайда оору көзөмөлгө алынды, бирок Тайвандагы абал дагы эле коркунучтуу.
