БИШКЕК. Экология жана күтүүсүз кырдаалдар министрлиги 26-майда тараткан маалыматка караганда, 25-майда түнкү саат эки жарымда Каракулжа районунун Карагуз айыл өкмөтүнө караштуу Өчү деген жерде жер көчкү болду. Бир жарым миллион куб метрлик жер көчкү 5 үйдү талкалап,18 үй жараксыз болуп калды. Бул үйлөрдүн тургундары туугандарыныкына көчүрүлгөндүктөн жабыр тарткандар болгон жок. Ал эми жер көчкү алдында алардын 9 ую, 5 жылкысы, 34 кою калып, электр тармактарынын 14 мамысы урап, азыр 40 үй жарыксыз калды. Күтүүсүз кырдаалдар министрлигинин комиссиясы жер көчкү алып келген материалдык чыгымды эсептөөдө.
