НАТО уюмунун баш катчысы Жорж Робертсон 26-майда Прага шаарында Чехиянын жаңы президенти Вацлав Клаус, өлкөнүн премьер министри Владимир Шпидла жана мурдагы президент Вацлав Гавел менен жолугуп, Чехиянын уюмдагы орду жана мааниси тууралуу маселелерди талкуулады. Кечээ күнү Прагада НАТОнун Парламенттик ассамблеясынын жыйыны болду жана Робертсон ал жыйында - Ирак маселеси боюнча НАТО мүчөлөрү ортосунда пайда болгон пикир келишпестиктер жоюлганы тууралуу билдирди. Бирок, анын айтымында, мындай жаңжалдар аз болгону жакшы.
