"Уолл Стрит Жорнел" гезитинин 27-майдагы санында АКШ коргоо министри Доналд Рамсфелддин макаласы жарыяланды. Министр анда - Иракта демократиялык тартип орнотуу өтө кыйын болгон менен, АКШ ага бардык күчүн жумшайт деп жазат. Ошол эле мезгилде, Рамсфелддин айтымында, АКШ Иракка өз үлгүсүн таңуулабайт. Азыркы күнгө караганда, Иракта тартип орнотуу иштерине катышуу үчүн өз аскерлерин жиберүүгө дүйнөнүн 39 мамлекети макул болду.